மிர்பூர்: ஆப்கானிஸ்தான் அணியுடனான டெஸ்ட் போட்டியில், வங்கதேசம் முதல் இன்னிங்சில் 5 விக்கெட் இழப்புக்கு 362 ரன் குவித்துள்ளது. மிர்பூர் தேசிய ஸ்டேடியத்தில் நேற்று தொடங்கிய இப்போட்டியில், டாஸ் வென்ற ஆப்கானிஸ்தான் முதலில் பந்துவீச முடிவு செய்தது. ஹசன் ஜாய், ஜாகிர் ஹசன் இருவரும் வங்கதேச இன்னிங்சை தொடங்கினர். ஜாகிர் 1 ரன்னில் வெளியேற, ஹசன் ஜாயுடன் நஜ்முல் உசேன் ஷான்டோ இணைந்தார். அபாரமாக விளையாடிய இந்த ஜோடி 2வது விக்கெட்டுக்கு 212 ரன் சேர்த்தது.
ஹசன் ஜாய் 76 ரன் (137 பந்து, 9 பவுண்டரி) எடுத்து பெவிலியன் திரும்பினார். மோமினுல் ஹக் 15 ரன்னில் விக்கெட்டை பறிகொடுக்க, ஷான்டோ 146 ரன் (175 பந்து, 23 பவுண்டரி, 2 சிக்சர்) விளாசி அமிர் ஹம்சா பந்துவீச்சில் நசீர் ஜமால் வசம் பிடிபட்டார். கேப்டன் லிட்டன் தாஸ் 9 ரன்னில் ஆட்டமிழந்தார். முதல் நாள் ஆட்ட முடிவில், வங்கதேசம் முதல் இன்னிங்சில் 5 விக்கெட் இழப்புக்கு 362 ரன் குவித்துள்ளது. முஷ்பிகுர் ரகிம் 41 ரன், மெஹிதி ஹசன் மிராஸ் 43 ரன்னுடன் களத்தில் உள்ளனர். இன்று 2வது நாள் ஆட்டம் நடக்கிறது.
The post ஷான்டோ அபார சதம்; வங்கதேசம் ரன் குவிப்பு appeared first on Dinakaran.
